Бүгүн, 2020-жылдын 25-декабрында, Кыргыз Республикасынын Жогорку сотунун төрайымы Гульбара Калиева видеоконференция байланыш аркылуу жергиликтүү соттордун төрагалары жана судьялары менен жумушчу кеңешме өткөрдү. Бул тууралуу Жогорку Соттун басма сөз кызматы кабарлады.
Төрайым 2021-жылдын 10-январында Кыргыз Республикасынын Президентин шайлоону өткөрүү мезгилинде коомдук жана эпидемиологиялык коопсуздукту камсыз кылуу боюнча Коопсуздук кеңешинин жыйынында мамлекеттик органдарга президенттик шайлоону жана референдумду жогорку уюштуруучулук деңгээлде өткөрүү боюнча бир катар тапшырмалар берилгендигин билдирди.
Гульбара Калиева шайлоо мыйзамдарын бузуу фактылары боюнча келип түшкөн доо арыздарды, даттанууларды жана кайрылууларды сот органдарынын өз убагында кароосун жана алар боюнча процесстик чечимдерди кабыл алуусун мыйзамда белгиленген тартипте камсыз кылууну талап кылды. Ошондой эле, 2021-жылдын 6-январынан 15-январына чейинки мезгилде судьялардын жана сот органдарынын кызматкерлеринин нөөмөтүн уюштуруу керек экендигин айтты.
Жергиликтүү соттордон Конституциялык кеңешмеге сунуш-пикирлер болсо, тез арада Жогорку сотко жөнөтүү керек экендигин айтты.
Мындан тышкары, жергиликтүү соттордо иштеп жаткан автоматташтырылган маалымат системасы, жыл жыйынтыгы боюнча статистикалык отчетторду сурады.
Ошондой эле, судьялардын жүрүм-турумуна көңүл буруп, иштерди кароо сапатын жогорку дээңгелге көтөрүүнү, мыйзамдуулукту бекем сактоо менен иш алып барууга чакырды.
Пикирлер (0)
Пикир жок. Сиз биринчилерден болушуңуз мүмкүн