Учурда Интернетте чек арадагы чыр-чатак тууралуу көптөгөн бурмаланган жана так эмес маалыматтар таратылып жатат. Бул тууралуу ИИМдин Басма сөз кызматы билдирди.
Мындай бурмаланган жана орунсуз маалыматтардын кесепети өлкөдөгү кырдаалды курчутушу мүмкүн.
Буга байланыштуу, Ички иштер министрлиги жарандардан дүрбөлөңгө түшпөөнү, жалган жана туура эмес маалыматтын жайылышына жол бербөөнү, ушактарды көбөйтпөөнү, расмий мамлекеттик органдардын ишенимдүү булактарына же комментарийлерине гана таянууну суранат.
"Социалдык тармактардын колдонуучуларына чыр-чатактын күчөп кетишине жана анын курчушуна жол бербөө үчүн терс комментарийлерден алыс болууну сунуштайбыз. Биз бардыгын эрежени сактоого чакырабыз.
Муну менен бирге жарандарга активдүү жарандык позициясы жана кырдаалды турукташтыруу маселелеринде көмөк көрсөткөндүгү үчүн ыраазычылык билдиребиз",- деп айтылат ИИМдин маалыматында.
Пикирлер (0)
Пикир жок. Сиз биринчилерден болушуңуз мүмкүн