ИИМдин Ички аскерлеринде волейбол боюнча турнир өттү (фото)

Үстүбүздөгү жылдын 18-июнунда Кыргыз Республикасынын ИИМдин Ички аскерлеринде 40 жаштан жогорку курактагы аскер кызматчыларынын, милиция кызматкерлеринин командаларынын арасында волейбол боюнча турнир болуп өттү. Бул тууралуу ИИМдин басма сөз кызматы билдирди.

Маалыматка ылайык, турнирге Кыргыз Республикасынын ИИМдин Ички аскерлеринин, Республикалык окуу борборунун жана Бишкек шаарынын ички иштер башкы башкармалыгынын командалары катышышкан.

"Турнирдин негизги максаты - бул волейболдун популярдуулугу, ден соолукка пайдалуулугу жана Кыргыз Республикасынын ИИМдин кызматкерлери арасында достук мамилелерди чыңдоо болуп саналат.

Турнирдин натыйжасында 1-орунду ИИМдин Ички аскерлеринин курама командасы, 2-орунду ИИМдин Республикалык окуу борборунун курама командасы жана 3-орунду Бишкек шаарынын ички иштер башкармалыгынын курама командасы алышты", - деп билдирди аталган мекемеден.

Турнирдин аягында жеңүүчүлөр кубок, диплом жана грамоталар менен салтанаттуу түрдө сыйланышты.