Өкмөт үйүнүн алдында бүгүн, 8-апрелде ала качып өлтүрүлгөн Айзаданын окуясы боюнча өтүп жаткан митингдин катышуучулары менен премьер-министр Улукбек Марипов чыгып жолукту.
Үн күчөткүчтү алып, сөз сүйлөгөн Улукбек Марипов бул маселе учурда иликтенип жатканын, тиешелүү жетекчилердин кызматтык жоопкерчилиги каралууда экенин билдирди.
Журналисттин: “Министр Улан Ниязбеков кызматтан кетеби?” деген суроосуна премьер-министр Улукбек Марипов: “Бул маселени президент жеке көзөмөлүнө алды, иликтөө иштери жүрүп жатат. Министрдин кызматтык жоопкерчилиги каралып жатат. Бирок министр кетеби, жокпу азыр айта албайм. Иликтөө бүткөндө айтабыз”, - деп билдирди премьер.
Пикирлер (0)
Пикир жок. Сиз биринчилерден болушуңуз мүмкүн