Азербайжан Республикасынын Президенти Ильхам Алиев Кыргыз Республикасынын Президенти Садыр Жапаровду жана Кыргызстан элин Курман айт майрамы менен куттуктады.
«Ислам дининин негизги майрамдарынын бири, ыйык Курман айт майрамы руханий биримдикти жана тилектештикти, ошондой эле жакшы иштер үчүн жан аябоого даярдыкты камтыган бийик гумандуу жана адеп-ахлактык баалуулуктарды айкалыштырат», — деп айтылат Азербайжандын Президентинин куттуктоо телеграммасында.
Ильхам Алиев Садыр Жапаровго чың ден соолук, бакыт жана ишинде ийгиликтерди, ал эми бир тууган Кыргызстан элине тынчтык жана гүлдөп өнүгүү каалады.
Пикирлер (0)
Пикир жок. Сиз биринчилерден болушуңуз мүмкүн