Иракта кыргыз кыз каза болду

Багдад шаарында иштеп жүргөн С.М. аттуу кыргызстандык кыз каза болду. Бул тууралуу ТИМдин басма сөз кызматы билдирди.

Маалым болгондой, буга байланыштуу ирак тарап менен С.М. аттуу КР жаранынын өлүмү боюнча фактыны тастыктоо/жокко чыгаруу өтүнүчү менен ыкчам сүйлөшүүлөр жүргүзүлдү.

Үстүбүздөгү жылдын 24-октябрында ирак тарап Саламаттык сактоо министрлигинин маалыматы боюнча КР жараны С.М. болжол менен каза болгондугун, ал эми бул учурда маркумдун сөөгү Багдад шаарынын өлүкканасында жаткандыгын билдирди.

Учурда бул окуя боюнча Ирактын Тышкы иштер министрлигинен расмий маалымат күтүлүүдө.

Бул маселе боюнча бардык иштер маркумдун жакындары менен тыгыз байланышта жүргүзүлүүдө.

Маселе министрликтин көзөмөлүндө.