Кечээ, 26-июнда Бишкек шаарында жол кырсык катталып, 3 адам жабыркаган. Алардын бири ырчы Асель Кадырбекова экендиги аныкталды.
Жол кырсык саат 15:30 чамасында Медеров жана Тыныстанов көчөлөрүнүн кесилишинде болгон. Анда "Хонда Одиссей" жана "Тойота Камри" унаалары кагылышкан. Анын кесепетинен "Хонда Одиссей" унаасынан 2, "Тойота Камри" унаасынан 1 адам жабыркаган.
Бишкек шаардык травматология жана ортопедиялык илимий-изилдөө борборунун башкы дарыгери Алмаз Кубатбековдун маалыматына караганда, учурда бейтаптын абалы оор. Ал жандандыруу бөлүмүндө.
"Ал баш мээсинен жаракат алып, учурда оор абалда. Дагы деле эсине келе элек", - деди ал.
Пикирлер (0)
Пикир жок. Сиз биринчилерден болушуңуз мүмкүн