Исфанада май куюучу жайларда бензин жок. 4-5 сомго кымбаттады

Баткен облусунун Лейлек районунун Исфана шаарында көптөгөн май куюучу жайларда бензин жок.

Бул тууралуу "Турмуш" басылмасы билдирди.

Маалыматка ылайык, учурда бензиндин баасы 50 сомго чейин көтөрүлдү. Көптөгөн май куюучу жайларда бензин жок болгондуктан, айрым май куюучу жайларда кезектер пайда болду.

Исфана шаарынын мэри Абдивали Хамраевдин айтымында, учурда шаарда 10дон ашык май куюучу жай бар. Бензин алардын 4-5инде гана бар. Калгандарында күйүүчү май түгөндү.

Буга чейин жергиликтүү калк бензиндин кымбаттап жатканыныа наарызылыгын билдирген.