Саясатчы Исхак Масалиев жаңы Баш мыйзам кабыл ала турган болсо кайра президенттик шайлоо өтүшү керек деген пикирин билдирген. Ал “Модератор” сайтына берген маегинде Садыр Жапаров үчүн 1 миллиондон ашуун шайлоочу азыркы Конституциядагы президенттин ыйгарым укуктары үчүн добуш бергенин айткан.
“Учурда 80 депутат сунуштаган долбоор талкууланып жатат. Эгер биз алар сунуштаган долбоорду кабыл ала турган болсок супер президенттик башкарууга өтөбүз. Жаңы Баш мыйзам кабыл алынгандан кийин мыйзам боюнча кетели десек кайра президенттик шайлоо өтүшү керек. Миллиондон ашуун адам Садыр Жапаровго азыркы Конституциядагы президенттик кызмат үчүн добуш берди. Ошол президенттик кызматта бүгүн кандай укуктары бар? Эл ошого добуш берди да. Президенттик укуктары кеңейгенден кийин кайра шайлоо болушу керек. Эч бир референдум президенттин мөөнөтүн узарта албайт, кыскара да албайт. Бул референдум боюнча майзамда так жазылган. Референдумга жазып коёбуз деп жатат. Ал туура эмес”, - дейт ал.
Пикирлер (4)