Ысык-Атада 15 жаштагы кызга нике кыйгандыгы үчүн имам жана болочок күйөө кармалды

Ысык-Атада 15 жаштагы кызга нике кыйгандыгы үчүн имам жана болочок күйөө кармалды.

Чүй облустук милициясынан билдиришкендей, Ысык-Ата районунун Ивановка айылынын 21 жаштагы Н.Ш. аттуу тургуну 15 жаштагы С.Н. аттуу кызга үйлөнүп, алардын никесин Р.А. аттуу имам кыйгандыгы аныкталган.

Аталган факт Ысык-Ата РИИБине катталып, КР Кылмыш-жаза кодексинин 175-беренесинде көрсөтүлгөн (Диний ырым-жырымдарды өткөрүүдө нике курагы жөнүндө мыйзамдарды бузуу) кылмыштын белгилери менен кылмыш иши козголгон.

Тергөө учурунда Р.А. жана Н.Ш. аттуу жарандар аталган кылмыш ишине шектүү катарында КР КЖПКнын 96-беренесине ылайык кармалышып, убактылуу кармоочу жайга киргизилишкен.

Учурда тергөө амалдары жүргүзүлүүдө.