Ысык-Көл облусунда сел жүрдү

Ысык-Көлдө сел жүрдү.

Өзгөчө кырдаалдар министрлигинен билдиришкендей, Ысык-Көл облусунун Ысык-Көл районунда нөшөрлөп жааган жамгырдын кесепетинен Чолпон-Ата шаарынын Тогуз-Булак тилкесиндеги кокту-колоттордон аккан суулар көчөлөрдү каптаган.

Ошондой эле Бостери, Бактуу-Дөлөнөтү айылдарынын бир нече көчөлөрүн жана Булан-Сөгөттү айылын сел суулары каптаган.

Жерине ӨКМдин Ысык-Кѳл райондук өзгөчө кырдаалдар бөлүмүнөн ыкчам топ жана райондук Жарандык коргонуу кызматынын күч каражаттары тартылууда.

Куткаруучулар тарабынан Бактуу-Дөлөнөтү айылынан 1 үй-бүлө коопсуз жайга убактылуу көчүрүлдү.