Расмий маалыматтар боюнча, Италияда ушул жуманын башында коронавирусту жуктургандардын саны 59 миң 138 адам болгон.
Акыркы 24 сааттын ичинде 651 өлүмгө алып келген учур катталды. Мындай маалыматтарды жарандык коргоо боюнча департаментинин башчысы Анджело Борелли билдирди.
Анын айтымында, сакайып кеткендердин саны акыркы суткада 952 адам болгон, муну менен жалпы 7 миң адамдан ашык киши оорудан айыгып кеткен. Борелли, Италияда жуктуруп алгандардын саны кыскарып жатканын айтты. Мындай статистика мурдагы күндөргө салыштырмалуу жаңы жуктургандардын жана өлгөндөрдүн саны азайганын көрсөтөт, деп билдирди.
Кошумчалай кетсек, өткөн ишембиде Италияда 793 адам каза болуп, жалпы өлгөндөрдүн саны 6 миңден ашкан.
Пикирлер (0)
Пикир жок. Сиз биринчилерден болушуңуз мүмкүн