11-июнь күнү КР Өзгөчө кырдаалдар министри Ажикеев Бообек министрликтин 86123 аскер бөлүк-Куткаруучуларды даярдоочу мамлекеттик борборуна барып, өздүк курам менен жолукту. Бул тууралуу Өзгөчө кырдаалдар министрлигинин маалымат кызматы билдирет.
Маалыматка ылайык, жолугушуунун жүрүшүндө аталган аскер бөлүктө мөөнөттүк аскер кызматын өтөп жаткан катардагы жоокер Эсенбеков Бекзат Эсенбековичтин сабалганы боюнча, аскер бөлүктүн мөөнөттөгү аскер кызматкерлери, контракт кызматындагы сержант, прапорщик аскер кызматкерлери, аскер кызматындагы аялдар жана ошондой эле офицердик курам менен жеке сүйлөшүүлөрдү жүргүзүп, мындан ары мындай иштер болбоосу үчүн алдын алуу иштерин күчөтүү милдетин тапшырды.
Андан сырткары, анык мөөнөттөгү кызмат өтөп жаткан жоокерлердин жатаканасы, жоокерлер ашканасы, жоокерлер мончосу, азык-түлүк кампасы жана анык мөөнөттөгү кызмат өтөп жаткан жоокерлердин тамактануусун жеке өзү текшерип чыкты.
Пикирлер (0)
Пикир жок. Сиз биринчилерден болушуңуз мүмкүн