Кадамжай районунда бодо мал уурдаган жарандар кармалды

“Мал ууру” иш-чарасынын жүрүшүндө мал уурулуктун бети ачылды. Бул тууралуу Баткен ОИИБнын Басма сөз кызматынан кабарлашты.

Маалыматка ылайык, Кадамжай районунун аймагында милиция кызматкерлери тарабынан “Мал ууру” иш-чарасы өткөрүлүп, тамактануучу жайлар, мал базарлар, соода-сатык дүкөндөр бир катар текшерүүлөрдөн өттү.

Мурда кылмыш жасап сот жоопкерчилигине тартылып, милициянын каттоосунда турган жарандар менен менен кылмыштын алдын алуу иштери боюнча профилактикалык түшүндүрүү иштери өткөрүлдү.

“Мал ууру” иш-чарасынын жүрүшүндө 2022-жылдын 1-апрелинен 2-апрелине караган түнү Майдан айыл аймагынын тургунун мал сарайындагы бир баш ноопазын белгисиз жарандар тарабынан уурдалып, Кадамжай РИИБнин КБРне Кыргыз Республикасынын Кылмыш жаза кодексинин 205-беренеси (Уурулук) менен катталган фактынын бети ачылып, А.Масалиев айыл аймагынын Какыр айылынын 19жаштагы А.А. жана 25жаштагы С.А.лар аныкталып кармалып, уурдалган мал өз ээсине кайтарылып берилди.