Кадамжайда 15 жаштагы бала тоого кеткенден кийин дайынсыз болууда

Кадамжайда өспүрүм дайынсыз жоголду. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка ылайык, үстүбүздөгү жылдын 6-сентябрь күнү Баткен облусунун Кадамжай шаарынын тургуну 2006-жылы туулган Д уулу Ө. аттуу эркек бала үйүнөн чыгып, тоо тарапка кеткен бойдон дайынсыз жоголгон.

7-сентябрь күнү жерине издөө иштерин жүргүзүү үчүн ӨКМден 11 куткаруучу, ИИМден 5 кызматкер жана туугандарынан 4 адам тартылып, саат 18:20да издөө иштери убактылуу токтотулду, натыйжа болгон жок.

Бүгүн, 8-сентябрь күнү улантылат.