Калкты тейлөө борборлору жана калкты каттоо бөлүмдөрү майрамдык жана дем алыш күндөрү саат 9.00дөн 20.00гө чейин иштешет. Бул тууралуу Мамлекеттик каттоо кызматынын басма сөз кызматы билдирди.
Президенттик шайлоого жана референдумга чейин жарандардын кайрылууларынын саны көбөйгөндүгүнө байланыштуу, ID-паспортун даярдоого арыз берген жарандар, өндүрүш убактысына жана жаңы жумушчу календарга ылайык, 7-январдан 10-январга чейин 9.00дөн 20.00гө чейин ID-карталарын ала алышат. Документтердин даярдыгы жөнүндө маалыматты мамлекеттик кызмат көрсөтүүлөр порталында же "Услуги ГРС" мобилдик тиркемеси аркылуу тактоого болот.
Эскерте кетсек, ушул жумада 7-январдан 10-январга чейин эс алуу болот.
Пикирлер (0)
Пикир жок. Сиз биринчилерден болушуңуз мүмкүн