Камчыбек Ташиев 23 жаштагы келиндин өлүмү боюнча үн катып, кыз-келиндерге кайрылды

УКМК төрагасы Камчыбек Ташиев Кадамжайдагы 23 жаштагы келиндин өлүмү боюнча үн катып, социалдык тармактагы баракчасы аркылуу кыз-келиндерге кайрылды.

"Кадамжай районунда күйөөсүнүн токмогунан каза болгон 23 жаштагы келиндин тагдыры өтө аянычтуу болду. Урматтуу кыз-келиндер, эгерде сиздерге зордук-зомбулук көрсөтүлүп жатса, тез арада ар бир райондо жайгашкан УКМК кеңселерине барыңыздар. Энелерди, аялдарды, кыз-келиндерди сактап, коргоп жана жардам берүүгө милдеттүүбүз. Эне бар, үй-бүлө бар, мекенибиз болот!", — деп жазган ал.

Эске салсак, Баткен облусунун Кадамжай районунда муунтулган келиндин сөөгү көчөдөн табылып, кылмышка шектүү катары күйөөсү кармалган.