Кара-Көлдө кычкылтек концентраторлору жетиштүүбү? Мэрдин жообу

Кара-Көл шаарында пневмониядан жабыркаган 20 адам дарыланып жатат. Бул тууралуу мэр Ильяз Еркеев билдирди. 

Анын айтымында, жеңил формада ооруган адамдар үйүндө дарыланышууда. 

"Кара-Көл шаарында 3 ИВЛ аппарат, 11 кычкылтек концентратору бар. Эртең ишкерлер дагы 10 кычкылтек концентраторун алып келишет. Дагы жардам көрсөтөбүз дегендер бар. Аппараттар жетиштүү", - деди мэр. 

Дарыгерлер маалымдагандай,  "Энергетик" спорткомплексинде 7 күн мурун ачылган күндүзгү стационарга күнүнө 80ден ашык шаар тургундары кайрылып, медициналык жардам алышууда.