Кара-Суу райондук сотунун төрагасы пара алып жаткан учурда кармалды

Ош облусунун Кара-Суу райондук сотунун төрагасы пара талап кылуу боюнча кармалды, деп билдирет УКМКнын басма сөз кызматы. 

Маалыматка караганда, 11-сентябрда «Ж.З.» аттуу КР жаранынан келип түшкөн кайрылуусунун алкагында УКМК башкы тергөө башкармалыгы тарабынан Кылмыш-жаза кодексинин 326-беренесинин 2-бөлүмү (Пара талап кылуу) фактысы боюнча сотко чейинки өндүрүшкө кылмыштардын жана жоруктардын бирдиктүү реестрине катталган.

Такталгандай, Ош облусунун Кара-Суу райондук сотунун төрагасы «А.Ж.С.» экинчи тарапка оң чечим чыгарып берүү боюнча «Ж.З.» аттуу жарандан акча каражатын талап кылган.

14-сентябрда жүргүзүлгөң ыкчам-тергөө иш-чараларынын негизинде Кара-Суу райондук сотунун төрагасы «А.Ж.С.» талап кылган акча каражатын алып жаткан учурунда кармалды.