Кара-Суу районунун тоолуу айылында 25.5 млн сомдук оорукана ачылды

Ош облусунун Кара-Суу районунун Чайчи айылында аймактык оорукананын бөлүмү ачылды. Бул тууралуу райондук администрациядан билдиришти. 

Маалыматка ылайык, 25-декабрь күнү 15 орундуу оорукананын ачылышы болуп өткөн. Оорукананын ачылыш аземине өкмөттүн Оштогу ыйгарым укуктуу өкүлүнүн биринчи орун басары, Кара-Суу районунун акиминин милдетин аткаруучу Капар Адиев катышты.

Оорукана республикалык бюджеттен каржыланат, анын курулушуна 25 миллион 500 миң сом сарпталган. Оорукананын 1-кабатында үй-бүлөлүк дарыгерлер тобу, экинчи кабатында соматикалык бөлүм бар.