Кара-Сууда 31 жаштагы жарандын денеси Ак-Буура дарыясынан табылды

Кара-Сууда 31 жаштагы жарандын денеси Ак-Буура дарыясынан табылды. Бул тууралуу Кара-Суу РИИБдин басма сөз кызматына таянып "Турмуш" басылмасы жазды.

Белгилүү болгондой, 10-апрель күнү милицияга дарыядан кишинин жансыз денеси табылганы боюнча  маалымат түшкөн. 

Аталган иш КЖБРне катталып, тергөө иштери башталган.

"Каза болгон жарандын өздүгү тастыкталды. Ал Өзгүр айылынын 1990-жылы туулган С. уулу Ө. аттуу жаран болуп чыккан. Анын энеси каза болгон. Ал психикалык жактан ооругандардын каттосунда турган. Атасы пенсионер болгон. Маалыматка ылайык, каза болгон жаран акыркы кезде дарылануудан өтө элек болгон",- деп билдирди милициядан.