Жетинин айы 30, 2022
Убакыт: 12:57
USD
84.50
85.50
EUR
88.50
89.50
RUB
1.370
1.430

Кара-Сууда Казакстандан 12 млн сомдук товар алып келип беребиз деп акчасын бербей жүргөн жарандар кармалды

25.11.2022 15:40
179
Кара-Сууда Казакстандан 12 млн сомдук товар алып келип беребиз деп акчасын бербей жүргөн жарандар кармалды

Кара-Суу районунда алдамчылыкка шектелип 2 жаран кармалды. Бул тууралуу Ош ОИИБдин Басма сөз кызматынан кабарлашты.


Маалыматка ылайык, 2022-жылдын 22-ноябрь күнү Ош ОИИБдин Кылмыш иликтөө бөлүмүнүн кызматкерлери тарабынан жүргүзүлгөн ыкчам-иликтөө иш-чараларынын натыйжасында алдамчылык фактысы менен Кара-Суу районунун тургуну 32 жаштагы Т.Т., жана Ноокат районунун тургуну 36 жаштагы З.Х., аттуу жарандар кармалышкан. Шектүүлөр Кара-Суу РИИБдин убактылуу кармоочу жайына киргизилди. 

Аталган факты Ош ОИИБдин кылмыштардын бирдиктүү реестрине катталып, Кыргыз Республикасынын Кылмыш жаза кодексинин 209-берененин (алдамчылык) негизинде кылмыш иши козголгон. 


Кармалган жарандар төмөндөгү факты боюнча шектүү катары өтүп жатат:


2022-жылдын 10-ноябрь күнү Кара-Суу районун тургуну 43 жаштагы жаран арыз менен кайрылган. Анда 2020-жылдын 5-июнунан 2022-жылдын 3-октябрга чейинки аралыкта ага тааныш болгон 1990-жылы туулган Т.Т., аттуу жаран анын ишеничине кирип Казакстан Республикасынан ар кандай товарларды алып келип беремин деп, 12 000 000 ( он эки миллион) сом акчасын алып ушул күнгө чейин бербей жүргөнүн билдирген. Учурда шектүүлөр мындан башка кылмыштарга тиешеси бар же жок экендиги текшерилүүдө, тергөө амалдары уланууда. 


Пикирлер (0)

Коопсуздук коду

Пикир жок. Сиз биринчилерден болушуңуз мүмкүн