Кемпир-Абад каналына чөгүп кеткен 15 жаштагы баланын денеси табылды

Кемпир-Абад каналына чөгүп кеткен 15 жаштагы баланын денеси табылды. Бул тууралуу ӨКМнын маалымат кызматы билдирди.

Сузак районуна караштуу Барпы айыл өкмөтүнүн Комсомол айылын аралап өткөн Кемпир-Абад каналында, Жалал-Абад шаарынын Эркиндик көчөсүнүн үйүнүн тургуну 2006-жылы туулган (Д.М) чөгүп кеткен өспүрүмдүн жансыз денеси көпүрөнүн( мост) астынан табылды.

Издөө иштерине ӨКМнен жалпы 32 куткаруучу тартылып, өспүрүмдүн денеси туугандарына өткөрүлүп берилген.