Ким Чен Ын өзөктүк куралды колдонууга даяр экенин билдирди

Түндүк Кореянын лидери Ким Чен Ын эгер Түштүк Корея менен АКШ Түндүк Кореянын суверенитетин бузуу үчүн куралдуу күчтөрдү колдонууга аракет кылса, Пхеньян чабуулчу куралдын бардык түрүн колдонуудан тартынбайт деп ишендирди, деп билдирет Кореянын борбордук маалымат агенттиги.

«Эгерде душмандар... биздин бир нече жолу эскертүүлөрүбүздү этибарга алышпаса жана Түштүк Корея-АКШ альянсына ашыкча ишенип, КЭДРдин суверенитетин бузуу үчүн аскердик күч колдонууга дагы бир кадам таштаса, анда биз бардык чабуулчу күчтөрдү колдонуудан кайтпайбыз... анын ичинде өзөктүк куралды дагы», - деди Ким Чен Ын.

Түндүк Кореянын лидери шаршемби күнү Кореянын элдик армиясынын атайын күчтөрүнүн машыгуу базасына барып, машыгууга байкоо салганы кабарланган.

Өз сөзүндө мамлекет башчысы КЭДР өзөктүк мамлекет экенин жана “аскердик кагылышуу” болгон учурда “Сеул менен Корея Республикасынын (Түштүк Корея) болушу мүмкүн эмес экенин” эске салды. Ал "бул кандайдыр бир риторикалык коркутуу эмес" деп баса белгиледи.

Кошумчалай кетсек, Ким Чен Ын Түштүк Кореянын президенти Юн Сок Ёлдун жакында сүйлөгөн сөзүн, ал Сеул-Вашингтон альянсынын “аскердик күч менен өтө катуу жооп кайтарганын” айтканын “күлкүлүү” деп атады.

Түндүк Корея лидеринин айтымында, "аймактагы коопсуздукту жана тынчтыкты бузган күчтөр" Түштүк Корея жана АКШ.