Чын курандын 05, 2025
Убакыт: 15:55
USD
86.60
87.10
EUR
94.90
95.90
RUB
1.010
1.050

Кыргыз-казак чек арасындагы эки өткөрүү бекети убактылуу жабылат

08.09.2022 11:27
454
Кыргыз-казак чек арасындагы эки өткөрүү бекети убактылуу жабылат

Кыргыз-казак чек арасындагы эки өткөрмө бекетинде адамдардын, унаалардын жана жүктөрдүн өтүүсү убактылуу токтотулат. Бул тууралуу Чек ара кызматынан билдиришти.


Маалыматка ылайык, «Чалдыбар - унаа жол» өткөрүү бекетинде бүгүн саат 11:00дөн 14:00гө чейин жана 17:00дөн 20:00гө чейин, “Чоң-Капка – унаа жол” бекетинде эртең саат 19:00дөн 21:00гө чейин адамдардын жана унаалардын өтүүсү убактылуу токтотулат. Өткөрүү пункттары Тышкы миграцияны эсепке алуунун бирдиктүү системасынын техникалык базасын жаңылоого байланыштуу жабылат.


Чек ара кызматынан белгилешкендей, мамлекеттик чек аранын кыргыз-казак тилкесиндеги башка өткөрүү пункттары штаттык режимде иштейт.


Эске салсак, кыргыз-казак чек арасында төмөнкү өткөрүү пункттары жайгашкан: Чүй облусунда “Токмок-унаа жол”, “Кең-Булуң - унаа жол”, “Ак-Тилек- унаа жол”, “Чалдыбар-унаа жол” пункттары, Талас облусунда – “Чоң-Капка-унаа жол” пункту.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн