Кыргыз-орус өнүктүрүү фонду долбоорлорду каржылоону баштады

1-июлдан тарта кыргыз-орус өнүктүрүү фонду долбоорлорду каржылоону баштады. Бул тууралуу аталган фонддун директору Артём Новиков билдирди.

"Кутман күн, урматтуу достор! Мен сиздерге жакшы жаңылык айткым келип турат. 1-июлдан тарта кыргыз-орус өнүктүрүү фонду долбоорлорду каржылоону жандандырды.

Мындай чечим фонд кеңешинин төрагасы, Россия Федерациясынын каржы министринин орун басары Тимур Максимов менен Москвада болгон жолугушуумдун жыйынтыгында кабыл алынды.

Белгилей кетсем, бул ириде эки өлкөнүн президенттеринин сүйлөшүүлөрүнүн жүрүшүндө жетишилген келишимдердин натыйжасы болду", - деп жазылат Новиковдун билдирүүсүндө.