Кыргызстан менен Өзбекстандын ортосунда эркиндигинен ажыратууга соттолгон адамдарды жазасын андан ары өтөө үчүн өткөрүп берүү жөнүндө келишим түзүлдү.
Кыргызстандын Башкы прокуратурасынан билдиришкендей, документке президент Садыр Жапаровдун Өзбекстанга болгон мамлекеттик сапарынын алкагында, Кыргызстандын башкы прокурору Максат Асаналиев жана Өзбекстандын башкы прокурору Нигматилла Юлдашев тарабынан кол коюлду.
Келишим эки мамлекеттин ортосунда соттолгон адамдарды которуу маселелеринде кызматташтыкты түзүүгө жана бекемдөөгө багытталган. Бул документке кол коюу Кыргызстан менен Өзбекстандын ортосундагы ишенимдин жана өз ара аракеттенүүнүн жогорку деңгээлин көрсөтүп турат.
Кол коюу аземи салтанаттуу жагдайда болуп өтүп, эки тараптуу мамилелерди мындан ары өнүктүрүүгө жана эки мамлекеттин укуктук системасын бекемдөөгө карай маанилүү кадам болду.
Пикирлер (0)
Пикир жок. Сиз биринчилерден болушуңуз мүмкүн