Кыргызстанда кайсы кесиптерге талап көп?

Билим берүү жана илим министрлигинин башталгыч кесиптик билим берүү башкармалыгынын башкы адиси Асыл Абдыракманова Sputnik Кыргызстан радиосуна берген маегинде өлкө рыногунда кайсы кесиптерге суроо-талап көп экенин айтып берди.

"IT-адистиктери чоң суроо-талапка ээ. Борбор калаада мындай адистерди даярдаган бир нече лицей бар, облустук кесиптик билим берүү мекемелери да тартылып жатат. Бул табигый көрүнүш, анткени азыр бул кесипке суроо-талап жогору. Ошондой эле учурда газ жана электр ширетүүчү, тигүүчү, ашпозчу жана кондитер дагы эң көп талап кылынган адистиктердин катарында", — деди Абдыракманова.

Ал билим берүү мекемелериндеги кесиптердин реестри такай жаңыланып, лицейлер жана колледждер компетенттүү кадрларды издеген ишкерлер менен түздөн-түз кызматташарын кошумчалады.