Кыргызстанда кичи ГЭСтерди куруу иштери тынымсыз жүрүп жатат (видео)

Кыргызстанда кичи ГЭСтерди куруу иштери тынымсыз жүрүп жатат. Бул тууралуум амлекет башчысы Садыр Жапаров  Курултайда дагы белгилеп өттү.

Президент өз сөзүндө и чки инвесторлор тарабынан курулган чакан ГЭСтердин электр энергиясын мамлекет сатып аларын айтты.

Бул чакан ГЭС Жалал-Абад облусунун Көк-Арт дарыясына курулуп жатат. Жумуш 24 саат токтобой, түнкүсүн да прожекторлордун жарыгы менен бетон кую иштери жүрүп жатканын көрүүгө болот.

Белгилей кетсек, мындан сырткары Таласта 25 МВт “Бала-Саруу ГЭСин, Нарында 100 МВт кубаттуулуктагы “Куланак” ГЭСтерин куруу иштери кызуу жүрүүдө.

Ошондой эле, Ат-Башы ГЭСи реконструкцияланып жатат. Анын кубаттуулугу 5,6 МВт жогорулайт. 

Токтогул ГЭСинин бир агрегаты реконструкция болуп 60 МВт кошулду. Учурда сыноодон өтүүдө. 

Дагы 3 агрегат жылына бирден реконструкция болот. Жалпы 240 МВт кубаттуулук кошулат.

Үч-Коргон ГЭСи дагы реконструкцияланып, кошумча 40 МВт кошулат. 

Камбар-Ата 2 ГЭСин курууга конкурс жарыяланды. Анын кубаттуулугу 150 МВт болот. 

Камбар-Ата 1 ГЭСин курууга даярдык иштери, жол, көпүрө салуу, электр линияларын тартуу, куруу аянтчалары даярдалууда. Анын кубаттуулугу 1800 МВт.