Кыргызстанда күчү 3,5 баллга жеткен жер титирөө катталды

Бүгүн, 29-январда Кыргызстандын аймагында жер титирөө катталды. Бул тууралуу Өзгөчө кырдаалдар министрлигинин маалымат кызматы билдирди.

КР Сейсмология институтунун маалыматына ылайык саат 01:56да Кыргыз Республикасы менен Кытай Эл Республикасынын чектешкен аймагында очогунда күчү 3,5 баллга жеткен жер титирөө катталган.

Жер титирөө Ысык-Көл облусунун Ак-Суу районунун Таш-Короо, Кургак айылдарында 2,5 баллга чейин сезилген.

Алдын ала маалымат боюнча жер титирөөдөн жабыркагандар жана кыйроолор катталган жок.