Кыргызстанда жаңы трактор чыгарылды (видео)

Кыргызстанда ата мекендик өндүрүштү колдоо максатында жаңы трактор чыгарылды. Бул тууралуу "Тез кабар" каналы билдирди.

Атакул Жалиловдун айтымында, жаңы тракторду Дастан аттуу жигит өзүнүн командасы менен бирге чогулткан.

"Каражаттын тартыштыгына байланыштуу мыкты деңгээлде жасай албасак да айыл чарбасындагы иштерди толук аткара ала турган трактор жасадык. Бул биздин биринчи эмгегибиз. Каржылык колдоо болсо буйрутмага ылайык кандай болсо ошондой кылып чыгарып беребиз.

Азыркы учурда дагы башка тракторлордон кем калбайт",- дейт Дастан.

Мындан сырткары, Дастандын командасы чакан трактор, цистерна жана арабаларды дагы жасайт.

Тез кабар