Чын курандын 06, 2025
Убакыт: 01:43
USD
86.60
87.10
EUR
94.90
95.90
RUB
1.010
1.050

Кыргызстандагы эки балык фермасына Россияга балык экспорттоого уруксат берилди

29.04.2023 10:26
538
Кыргызстандагы эки балык фермасына Россияга балык экспорттоого уруксат берилди

Кыргызстандын эки ишканасына Россияга балык экспорттоого уруксат берилди. Бул тууралуу Айыл чарба министрлигинен билдиришти.


Маалыматка ылайык, 25-26-апрель күндөрү Ветеринардык кызматтын инспекторлору тарабынан "Аква Пром" ЖЧК жана "Тянь-Шань-Фиш" ЖЧК ишканаларынын ишмердүүлүгүнө онлайн текшерүү жүргүзүлдү.


"2023-жылдын 27-апрелиндеги РФ Ветеринардык жана фитосанитардык көзөмөл боюнча федералдык кызматынын катына ылайык жүргүзүлгөн инспекциянын негизинде 28-апрелинен тартып Кыргызстан Россиянын аймагына балык жана балык азыктарын экспорттоого убактылуу коюлган чектөө (төмөнкү эки ишкана) алынды. Эми "Аква Пром" жана "Тянь-Шань-Фиш" ишканалары Россияга балык жана балык азыктарын экспорттой баштайт", - деп айтылат маалыматта.


Ошондой эле РФ Ветеринардык жана фитосанитардык көзөмөл боюнча федералдык кызматынын дарегине "Нурагрорыбпром" ЖЧК жана "Дары Природы" ЖЧК ишканалары боюнча мыйзам бузууларды жоюу боюнча түзөтүүчү иш-чаралардын жүргүзүлгөндүгүн тастыктаган материалдар жөнөтүлдү.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн