Кыргызстандыктар үчүн келерки жумада узак дем алыш болот

Кыргызстандыктарды келерки жумада узак дем алыш болот. Айдын башында үч майрам белгиленет: 1-май – Эмгек күнү; 5-май Конституция күнү, 9-май Жеңиш күнү.

Министрлер кабинетинин токтомуна ылайык, 1-майдан 5-майга чейин беш күндүк иш жумасынын графиги боюнча иштеген мамлекеттик жана муниципалдык уюмдардын, мекемелердин жана ишканалардын мамлекеттик бюджеттен каржыланган кызматкерлери үчүн узак эс алуу күндөрү белгиленет. Ошондой эле, 9-май расмий иш эмес майрам болуп саналат.

Кыргызстандыктар 2-майдын (бейшемби) ордуна 6-майда (дүйшөмбү), ал эми 3-майдын (жума) ордуна 11-майда (ишемби) иштешет.

Алты күндүк иш жумасында иштеген кызматкерлер 1, 6 жана 9-майда эс алышат.