Кыргызстанга 41,1 миң тонна минералдык жер семирткичтер келди. Баалары

2021-жылдын 11-мартында Кыргызстанга 41,1 миң тонна минералдык жер семирткичтер импорттолгон. Бул тууралуу Айыл, суу чарба жана аймактарды өнүктүрүү министрлигинин басма сөз кызматы билдирет.

Маалыматка ылайык, анын ичинен Ош облусуна — 13,4 миң тонна, Баткен облусуна — 10,6 миң тонна, Жалал-Абад облусуна — 6,4 миң тонна, Талас облусуна — 0, 9 миң тонна жана Чүй облусуна — 9,7 миң тонна жеткирилген.

Министрликтин билдирүүсүнө таянсак, 2021-жылы жазгы талаа иштерин өз убагында жүргүзүү үчүн республиканын айыл чарба тармагына 45-50 миң тонна минералдык жер семирткичтер керектелет, тактап айтканда, а. и. азоттук жер семирткичтер — 40,0 миң тонна, фосфордук жер семирткичтер — 5-10 миң тонна.

Талас облусуна — 0, 9 миӊ тонна, Чүй облусуна — 9,7 миӊ тонна ташылып келинди.

Белгилей кетсек, 2020-жылдын калдыктарын эске алуу менен (15,7 миӊ тонна), жалпы республикада 56,8 миӊ тонна минералдык жер семирткичтер бар. Бул жазгы талаа жумуштарын жүргүзүү үчүн керектелген минералдык жер семирткичтердин 113,6 пайызын түзөт.

Азыркы учурдагы минералдык жер семирткичтерге болгон дүң баалар:

Республиканын түштүгүндө (Жалал-Абад, Кара-Суу, Кызыл-Кыя темир жол станцияларында): — аммиак селитрасы — 21,2 сом/кг; — карбамид — 25,0 сом/кг; — аммофос — 33,5 сом/кг; — нитроаммофос – 31,0 сом/кг.

Республиканын түндүгүндө (Кара-Балта жана Бишкек 1 темир жол станцияларында): — аммиак селитрасы — 22,0 сом/кг; — карбамид — 26,0 сом/кг;- аммофос — 31,0 сом/кг; — нитроаммофос – 28,5 сом/кг.

Минералдык жер семирткичтерге болгон чекене баалар дүң баадан 2-3 сомго (же андан жогору) айырмаланат.

Белгилей кетүүчү нерсе, дыйкандарды арзан баада минералдык жер семирткичтер менен камсыз кылуу жана 2021-жылдын жазгы талаа иштерине даярдануу максатында, Кыргыз жер семирткич жеткирүүчүлөр ассоциациясы (КАПУ), Айыл, суу чарба жана аймактарды өнүктүрүү министрлиги менен биргеликте Өзбекстан Республикасында өндүрүлгөн минералдык жер семирткичтерди өз баасында сатуу акциясын жүргүзүүдө:

-аммиак селитрасы — 21,2 сом / кг; (дүң баасы)

-карбамид — 25 сом / кг (дүң баасы) Жалал-Абад, Кызыл-Кыя жана Кашкар-Кыштак станцияларында.