Кыргызстанга мамлекеттик сапар менен Тажикстандын президенти Эмомали Рахмон келет

Бишкекке мамлекеттик сапар менен Тажикстандын президенти Эмомали Рахмон келет.

Президенттик администрациядан билдиришкендей, сапар 12-13-мартка белгиленген.

ЖКККББ Рахмондун келишине байланыштуу айрым жолдордо чектөөлөр киргизилерин билдирип, аларды тизмектеди:

- "Манас" эл аралык аэропортунан Бишкек шаарынын чек арасына чейин;

- Фучик көчөсү, Бишкек шаарынын чек арасынан Чүй проспектине чейин;

- Чүй проспекти, Фучик көчөсүнөн Манас проспектине чейин;

- Манас жана Чыңгыз Айтматов көчөлөрү, түштүк багытта “Ала-Арча” мамлекеттик резиденциясына чейин;

- “Ала-Арча” мамлекеттик резиденциясынан “Ата-Бейит” мемориалдык комплексине чейин.

ЖКККББ айдоочуларды көрсөтүлгөн жол тилкелеринде унааларды токтотпоого чакырды.