Кытай - Борбордук Азия Ишкерлер кеңеши түзүлөт

КР Соода-өнөр жай палатасынын президенти Темир Сариев Сиань шаарында “Кытай-Борбор Азия 5+1” саммитинин алкагында иш сапары менен Кытайда жүрөт.

Ведомствонун басма сөз кызматынан билдиришкендей, Кытайдын эл аралык соода Коммитентинин чакыруусу менен Кытай - Борбордук Азия Ишкерлер кеңешинин уюштуруу ассамблеясына катышуу пландаштырылууда, анда негизги тема Борбордук Азия өлкөлөрүнүн жана Кытайдын ишкерлер кеңешин түзүү болуп саналат.

Мындан тышкары, КР Соода-өнөр жай палатасынын делегациясы Кытайдын бизнес чөйрөсү менен эки тараптуу жолугушууларды жана B2B сүйлөшүүлөрүн өткөрөт.

Белгиленгендей, Темир Сариев президент Садыр Жапаровдун Кытайдын ишкерлер чөйрөсү менен жолугушуусуна дагы катышты.