Жетинин айы 30, 2022
Убакыт: 12:48
USD
84.50
85.50
EUR
88.50
89.50
RUB
1.370
1.430

Кытай Бишкектин көчөлөрүн оңдоонун 3-фазасын талкуулады

24.11.2022 12:56
73
Кытай Бишкектин көчөлөрүн оңдоонун 3-фазасын талкуулады

Борбор калаанын мэри Эмилбек Абдыкадыров Бишкек шаарынын көчө-жол тармагын өнүктүрүү долбоору (3-фаза) боюнча Кытайдын эксперттик тобу менен жолугушту.


Бишкек мэриясынан билдиришкендей, жолугушууда тараптар долбоорду ишке ашыруунун жүрүшүн талкуулашты.


Кытай тараптын айтымында, долбоордун техникалык-экономикалык негиздемеси 28 күндүн ичинде иштелип чыгат. Кыргызстанга эксперттердин биринчи делегациясы жөнөтүлүп, муну менен мамлекеттер ортосундагы кызматташтыкты түзүү жана тереңдетүү артыкчылыктуу экендигин белгилешти.


Өз кезегинде, мэр Кытай өкмөтүнө Бишкек шаарынын жол инфраструктурасын өнүктүрүүгө көрсөткөн жардамы үчүн ыраазычылык билдирди.


Маалымдама: Бишкек шаарында Кытай өкмөтүнүн көмөгү менен узундугу 200 чакырымды түзгөн 135 жол курулган.


Долбоор борбор калаада автотранспорттун өткөрүү жөндөмдүүлүгүн мындан ары жогорулатууга мүмкүндүк берүүчү жол курулуштарын курууну камтыйт:


Л.Толстой - Фучик көчөлөрүнүн кесилишинде эки кабаттуу транспорттук жол айрылыштары;

Т.Айтматов жана Сүйүмбаев көчөлөрүнөн Л.Толстой көчөсүнө темир жол аркылуу чыгуучу өтмөк;

Л.Толстой жана Жаш Гвардия бульвары кесилишиндеги транспорт түйүнү;

Анкара жана 7-апрель көчөлөрүнүн кесилишине эки кабаттуу транспорттук-эстакадалык көпүрө;

Чүй проспектиси – Фучик көчөсүнүн кесилишине эки кабаттуу транспорттук жол айрылыштары.

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн