Кытай грантынын негизинде Бишкектеги кайсы көчөлөрдө оңдоо иштери жүрүп жатат? (тизме)

Бишкек шаарынын мэриясынын Транспорт жана жол-транспорттук инфратүзүмдү өнүктүрүү департаментинин директору Максат Нусувалиев «Бишкек жол тармагын өнүктүрүү» долбоорунун (фаза-2) эсебинен реконструкцияланып жаткан жолдордун участокторун текшерди. Бул тууралуу Бишкек шаарынын мэриясынын маалымат кызматы билдирет.

Департаменттин башчысы Арча-Бешик конушунун Садыбакасов көчөсүн реконструкциялоонун жүрүшүн текшерди. Анда аталган көчөнүн жашоочуларынын люктарды толтуруу, суу түтүктөрүн жана канализациялык кудуктарды жол техникасы менен иштөө маселелери боюнча учурундагы суроолоруна жооп берди. 

Андан соң Жайыл Баатыр көчөсүнө Чортеков көчөсүнөн Алыкулов көчөсүнө чейин барды. Учурда жолдун жүрүүчү бөлүгүнүн куруу иштери аяктады. Учостоктун жалпы узундугу 2800 метр, жүрүүчү бөлүктүн туурасы 12 метр, 2 тилкелүү. Курулуш иштери 2021-жылы башталган.

Жайыл баатыр көчөсүнүн чыгыш-батыш багытындагы бөлүгү келечекте Орок айыл өкмөтүн Бишкек шаары менен байланыштырат. Ошондой эле эки тараптан тротуарлар жана сугат лотоктору каралган, айланма жол бирдей деңгээлде каралып, Муромская көчөсү, Б.Алыкулов көчөсү, ТЭЦ-2 өтмөгү 4 жолго бириге турганын белгилейбиз.

Кулатов көчөсүнүн Каракульская көчөсүнөн Байтик-Баатыр көчөсүнө чейинки курулушу менен таанышкандан кийин жерди даярдоо иштери уланууда. Жолдун жалпы узундугу 1400 метр, жүрүүчү бөлүктүн туурасы 9 метр, тротуарлардын туурасы ар бир жүрүүчү бөлүктүн эки тарабында 2,25-3,0 метрди түзөт.

Маршруттун кийинки пункту Панфилов көчөсүнүн Медеров көчөсүнөн Чыгыш Бишкек Чүй каналына чейинки бөлүгү болуп, план боюнча жол кесилген.

Бүгүнкү күндө Биринчи май РИИБнын боюндагы тосмону, пост жана башка чарбалык курулуштарды бузуу иштери жүрүп жатат. Жолдун жалпы узундугу 780 метр, жүрүүчү бөлүктүн туурасы 9 метр, тротуарлардын туурасы эки тарабында 3,0 метрди түзөт.

Кеңешменин жыйынтыгы менен подрядчыга бардык толтурулган люктарды жана скважиналарды тазалоо, ошондой эле негизги иштер аяктагандан кийин бардык скважиналардын бүтөлгөндүгүн текшерүү жана бардык объектилерде курулуш таштандыларын тазалоо тапшырмасы берилди.