Кытай менен чек арадагы өткөрүү пункттары убактылуу жабылат

Кытай менен чек арадагы өткөрүү пункттары убактылуу жабыла турганын УКМКнын Чек ара кызматы билдирди.

Анын айтымында, Кытай Эл Республикасында өтүүчү  фестивалга байланыштуу кытай тараптын демилгеси менен 2025-жылдын 31-майында мамлекеттик чек аранын кыргыз-кытай тилкесинде жайгашкан «Торугарт-автодорожный» жана «Эркечтам-автодорожный» унаа өткөрүү пункттары убактылуу жабылат.

1-июндан тарта бул өткөрүү пункттары аркылуу адамдарды, унааларды жана жүктөрдү өткөрүү кадимки режимде жанданат.