Бишкекте 13 жаштагы өспүрүм кызды зордуктоого шектелип 19 жаштагы жаран кармалды. Ошондой эле аталган фактыга 3 милиция кызматкеринин тиешеси бар экендиги да айтылды. Учурда бул боюнча териштирүү жүрүп жатканын Биринчи Май РИИБинин маалымат кызматынан кабарлады.
Белгилүү болгондой, 18-февралда Биринчи Май РИИБине Н.О. аттуу жаран арыз менен кайрылган. Арыз ээси 16-февраль күнү 21:00 чамасында Кулиев көчөсүндөгү турак үйдөн кызын белгисиз жаран зордуктаганын билдирген. Бул факты Кылмыштардын бирдиктүү реестрине 154-берене (зордуктоо) менен катталып, тергөө иштери башталган.
"Ыкчам тергөө иштеринин алкагында шектүү катары 2003-жылы туулган М.М. кармалып, убактылуу кармоочу жайга киргизилди. Андан тышкары бул кылмышка 3 милиция кызматкеринин тиешеси бар экендиги айтылды. Бул боюнча Бишкек ШИИББинин ички тергөө кызматы текшерүү иштерин баштады. Жыйынтыгы тууралуу кошумча маалымат беребиз. Учурда тергөө иштери улантылып жатат", - дешти басма сөз кызматынан.
Пикирлер (0)
Пикир жок. Сиз биринчилерден болушуңуз мүмкүн