Кыз уурдаганга шектүү кармалды

Бишкекте никеге туруу максатында кыз уурдаганга шектүү жаран кармалды. Бул тууралуу Ички иштер министрлигинин басма сөз кызматынан билдирди.

Маалыматка ылайык, 19-март күнү Милициянын кайгуул кызматына А.К аттуу кыз, 1993-жылы туулган  Г.Ш.  аттуу курбусун эркине каршы белгисиз жаран уурдап кеткенин айтып, арыз менен кайрылган.

Ыкчам аракеттердин натыйжасында  милициянын кайгуул кызматкерлери тарабынан иизи сууй электе шектүү катары 1992-жылы туулган М.К. аттуу жаран кармалып, Свердлов  районунун Тергөө кызматына өткөрүлүп берилген.

Учурда бул факт 175-берененин (Адамды никеге туруу максатында уурдоо) негизинде  сотко чейинки өндүрүшкө алынган.