Кызыл-Кыяда ысырапкерчиликке бөгөт коюу максатында түшүндүрүү иштери жүргүзүлдү. Бул тууралуу Баткен ОИИБнын Басма сөз кызматы билдирди.
2022-жылдын 2-март күнү Кызыл-Кыя шаардык мэриясынын чоң залында шаардагы мечиттин имамдары, аксакалдар кеңешинин төрагалары, аялдар кеңешинин төрайымдары катышкан чоң жыйын болду. Жыйынга шаар мэри Асылбек Маткалыков, Кызыл-Кыя ШИИБнин начальниги милициянын полковниги Нурлан Бурканов, жергиликтүү күч түзүмдөрүнүн жетекчилери катышты.
Жыйында Кыргыз Республикасынын Президенти С.Жапаровдун каада-салттардагы ысырапкерчиликтерди азайтуу багытында чыккан Жарлыгы жеткирилип, шаар тургундарынын салтанаттуу кечелерге кетирилген чыгымдарды жоюуну, үрп адаттарда, каада-салттарда ашыкча эле атаандашып ашыкча чыгымдар келтирилгени айтылды. Ошондой эле шаарда ар бир үй-бүлө бардар жашабастан, колунда жок жашаган үй-бүлөлөр карызга батып калгандыгын боюнча талкуулар болду.
Кызыл-Кыя ШИИБнин начальниги милициянын полковниги Нурлан Бурканов шаар аймагындагы кылмыштуулук боюнча маалымат берип, үй-бүлөлүк зордук зомбулукту болтурбоо боюнча эскертүүлөрдү берди.
Пикирлер (0)
Пикир жок. Сиз биринчилерден болушуңуз мүмкүн