Президенттикке мурдагы талапкер, Конституциялык палатанын экс-судьясы Клара Сооронкулова Ички иштер министрлигинин тергөө кызматына суракка чакырылды. Бул тууралуу Vesti.kgге өзү билдирген.
Анын айтымында, Ички иштер министрлигинин тергөөчүсү аны менен байланышып, Сооронкулова 2020-жылдын октябрь окуялары боюнча суракка келиши керектигин айткан. Бирок эч кандай чакыруу кагазы келген эмес.
"Мени эки жума мурун суракка чакырышты. Өзүн Ички иштер министрлигинин Тергөө башкармалыгынын тергөөчүсү деп тааныштырган адам чалып, аларга келүүмдү суранды. Чакыруу кагазысыз эч жакка барбайм дедим", - деди Сооронкулова.
Мындан тышкары, ал азыркы бийлик тарабынан ага карата катаал чаралар көрүлсө таң калбай тургандыгын кошумчалады.
"Албетте, мен эч кандай басып алууга катышкан жокмун. Тескерисинче, эч нерсени сындырбоону суранып чуркап жүрдүк. Бирок бул бийликтен баарын күтүүгө болот", - деп белгиледи ал.
Пикирлер (0)
Пикир жок. Сиз биринчилерден болушуңуз мүмкүн