Көк бөрү федерациясы жооп берди

Буга чейин Көк бөрү боюнча эл аралык федерация Түркияда өтө турган Бүткүл дүйнөлүк көчмөндөр оюндарында көк бөрү оюну тай казансыз өтөт деген чечим кабыл алган. Кыргызстандын Көк бөрү боюнча федерациясынын башкы катчысы Куватбек Аскарбеков бул чечимге карата комментарий берди. Ал социалдык баракчасы аркылуу тараткан билдирүүсүндө Көк бөрү боюнча эл аралык федерацияга "көк пар" боюнча өзүнчө федерация түзүүнү сунуш кылды.

«Силер башка жол менен кеттиңер жана бул чечимиңер менен улуттук спортту өнүктүрбөйсүңөр. Бизге да убакыт келди деп ойлойм. Тай казан менен ойногуңар келбесе, Эл аралык көк бөрү федерацияны бизге бергиле, анан "көк пар" боюнча федерацияны өзүңөр түзгүлө», - дейт ал.