Коменданттык саат киргенден бери жалпы 2705 киши тартип бузуп кармалды

Өлкөгө коменданттык саат киргенден бери жалпы 2705 киши кармалды. Бул тууралуу Ички иштер министрлигинин басма сөз кызматынан билдиришти.

Маалыматка ылайык, 17-апрель күнү дагы 74 адам кармалып, 10 автоунаа атайын жайларга токтотулган.

Алардын ичинен:

Бишкек шаары боюнча – 59;

Жалал-Абад шаары боюнча – 4;

Ош шаары боюнча - 2;

Нарын шаары боюнча - 6; 

Кара-Суу району боюнча -2;

Сузак району боюнча – 1.

Ал эми, Ноокат жана Ат-башы райондорунда тартип бузуулар катталган эмес.