Коронавирус адамдын табитин жоготот, андыктан көп суу ичкиле, - Акматова

Коронавирус инфекциясы адамдын тамака болгон табитин жоготот. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова брифингде билдирди.

"Коронавирус инфекциясы аныкталган адамдар тамак ичкиси келбей калат. Суу ичүүнү токтотпош керек. Жүрөк кан тамыр оорулары бар адамдар 2 литрге чейин, башка адамдар 3 литрге чейин. Андан сырткары, тамак ичүүнү токтотпой, белок витаминдерди ичиш керек. Тер менен кошо көптөгөн микро элементтерди жоготот, ошондуктан арзан витаминдерди  болсо да ичип туруу керек. Азыр жашылча жемиш менен салаттарды жеп туруңуздар”, - деди Акматова.