Коронавирус бир суткада 83 доктурдан аныкталды

Бир сутка ичинде өлкө боюнча 83 медицина кызматкеринен коронавирус жуктуруп алганы аныкталды. Бул тууралуу Саламаттыкты сактоо министрлигинин Коомдук саламаттык башкармалыгынын башчысы Айнура Акматова брифингде билдирди.

Жаңы учурлар:

Бишкек шаарында – 20;
Чүй облусунда – 5;
Ош шаарында – 22;
Ош облусунда – 12;
Нарын облусунда – 3;
Ысык-Көл облусунда – 8;
Жалал-Абад облусунда – 8;
Баткен облусунда – 5;

Ал эми бир суткада 10 медициналык кызматкер ооруканалардан айыгып чыкты. Муну менен дарттан сакайган ак халатчандардын жалпы саны 532ге жетти.

Жалпысынан республика боюнча COVID-19 диагнозу менен медицина кызматкерлеринин арасында – 1370 учур катталды.