Коронавирус илдети катталбаган өлкөлөр

COVID-19 пандемиясын бир да жараны жуктурбаган өлкөлөр айтылды. Бул тууралуу Аль-Жазира жазып чыкты.

Коронавирус илдети 2019-жылдын декабрь айында Кытайдын Ухань шаарында чыккан. Андан көп өтпөй дүйнөнүн башка өлкөрүнө да тездик менен тарады. 11-мартта Дүйнөлүк саламаттыкты сактоо уюму инфекцияны пандемия деп атады. Учурда дүйнөдө илдетке чалдыккандардын саны 1,8 миллондон ашып, 114 миңден ашуун адам көз жумду.

Маалыматка таянсак, коронавирус илдети Тынч океандын тегерегинде аз катталган.

Коронавирус илдети катталбаган өлкөлөр:

-  Түркмөнстан;

- Тажикстан;

- Түндүк Корея;

- Түштүк Судан;

- Түштүк Африкадагы Коморы мамлекети;

- Тынч океанда жайгашкан мамлекеттер Кирибати, Маршаллов аралы, Науру, Палау, Тонга, Тувалу, Вануату, Соломонов аралы;

- Бийик тоолуу Лесото падышалыгы;

- Океандагы мамлекет Микронезия;

- Самоа;

- Экваторго жакын жайгашкан Африка өлкөсү Сан-Томе жана Принсипи;

 

Эске салсак, Окумуштуулар иштеп чыккан онлайн картада жарыяланган маалыматтар боюнча АКШда вирусту жуктуруп алгандар 557 571 адамга жетип, алардын 22 миңден ашыгы каза болгон. Ал эми АКШнын артынан эле Испания жайгашкан, ал жакта 167 миң адам илдетке чалдыккан.