Коронавирус курмандыктарынын саны боюнча Бразилия экинчи орунга чыкты

Бразилия коронавирус курмандыктарынын саны боюнча Улуу Британияны кууп өтүп экинчи орунга чыкты деп маалымдады Reuters агенттиги.

Акыркы маалыматтар боюнча, сөз болуп жаткан латын америкалык өлкөдө вирус жуккандардын саны соңку 24 саат аралыгында 26 миңге көбөйүп, жалпы эсеп 828 810 адамды түздү. Булардын ичинен 41 828 бейтап көз жумду.

Бүткүл дүйнөлук саламаттыкты сактоо уюмунун саламаттыкты сактоо жаатындагы өзгөчө кырдаалдар боюнча программасынын директору Майкл Райан коронавирус эпидемиясынын оор сыноосун Америкалык аймагктагы өлкөлөр өзүнө алды деп билдирди. Айтымында, COVID-19дан олуттуу жабыр тарткан 10 мамлекет Түндүк жана Түштүк Америкада.