Коронавирус аныкталган Казакстандын биринчи президенти Нурсултан Назарбаев өзүн жакшы сезип жатат. Бул тууралуу эл башынын басма сөз катчысы Айдос Укибай билдирди.
Анын айтымында, COVID-19 инфекциясы Назарбаевде симптому (белги) жок өтүүдө. Бирок, 79 жаштагы саясатчы баары бир дарыгерлердин көзөмөлүнө болуп жатат.
Буга чейин Айдос Укибай биринчи президентке өлкө башчы Касым-Жомарт Токаев да колдоо көрсөтүп жатканын айтып: "Эл башы аралыктан иштөөнү улантып жатат. Дүрбөлөңгө түшүүгө негиз жок. Бекитилген протоколго ылайык, биринчи президенттин башка адамдар менен болгон байланышуусуна чектөө коюлду. Балким эл башынын катышуусунда пландалган иш-чаралар онлайн форматта өтөт", - деген.
Н.Назарбаевден коронавирус инфекциясы 18-июнда аныкталган. Ал 6-июлда 80 жашка чыгат.
Пикирлер (0)
Пикир жок. Сиз биринчилерден болушуңуз мүмкүн